Germaniya futbol ittifoqi (DFB) muvaqqat rahbari Rayner Kox 2006-yilgi jahon chempionatini o‘tkazish huquqini qanday qo‘lga kiritishgani haqida gapirib berdi, deb yozadi “Korrespondent.net”.
Uning aytishicha, mezbon mamlakatni tanlab olish jarayoni FIFA tizimi allaqachon korrupsiya bilan “zararlangan” vaqtda o‘tkazilgan. “O‘sha paytda turnirni halol, sportcha yo‘l bilan qo‘lga kiritish mumkin emasdi. Chempionat Germaniyada bo‘lib o‘tishi uchun ko‘p narsa qildik. Biz qonundan tashqariga chiqdikmi? Buni tergov ko‘rsatadi”, — dedi Kox.
Avvalroq Spiegel tadqiqotlari Germaniya futbol ittifoqi rahbari Volfgang Nirsbax FIFA amaldorlariga pora berganini fosh qilgan edi, shundan so‘ng Nirsbax iste’fo berishga majbur bo‘lgan edi.
Izoh (0)