Vladimir Putin Sochidagi “Yug Sport” markazida dzyudo bo‘yicha Rossiya terma jamoasi bilan mashg‘ulot o‘tkazdi. Bu haqda “Korrespondent.net” xabar bermoqda.
Tatamida Putinga dzyudo bo‘yicha Rossiya terma jamoasi bosh murabbiyi Etsio Gamba sheriklik qildi. Mashg‘ulotdan so‘ng Putin unga Rossiya fuqarosi pasportini topshirdi.
“Italiya bosh vaziri bilan muloqotim chog‘ida unga Rossiya fuqaroligini olayotganingiz, biroq bu bilan italiyalik bo‘lmay qolmasligingiz, siz tufayli Italiyani yanada ko‘proq yaxshi ko‘rishimizni aytdim”, — deya ta’kidlagan Putin.
1980-yilda Moskvada Olimpiada chempioni bo‘lgan Gamba 2008-yildan beri dzyudo bo‘yicha Rossiya erkaklar terma jamoasiga murabbiylik qiladi. Uning rahbarligida jamoa 2012-yilgi London Olimpiadasida tarixida birinchi bor oltin medallarni (jami 5 ta medal, ulardan uchtasi oltin) qo‘lga kiritgan.
Izoh (0)