2015-yilda Xalq ta’limi vazirligi huzuridagi Bolalar sportini rivojlantirish jamg‘armasi mablag‘lari hisobidan Xitoy, Italiya, Fransiya, Portugaliya, Bolgariya, Yaponiya, Gretsiya, Chexiya, Rossiya kabi 24 ta davlatda bo‘lib o‘tgan 53 ta nufuzli xalqaro sport musobaqalarida 479 nafar iqtidorli yoshlarning ishtiroki ta’minlandi. Bu haqda Bolalar sportini rivojlantirish jamg‘armasi sport ishlari bo‘yicha bo‘lim boshlig‘i Bahodir Mamatnazarov “Daryo”ga xabar berdi.
Sportning 27 turidan qatnashgan o‘quvchilar umumiy hisobda 314 ta, shundan 140 ta oltin, 83 ta kumush, 91 ta bronza medallarini qo‘lga kiritdi. 2014-yilga nisbatan oltin medallar soni 14 taga ko‘paygan.
Ma’lumot uchun, Bolalar sportini rivojlantirish jamg‘armasi O‘zbekiston Respublikasi Prezidenti tashabbusi bilan 2002-yil 24-oktabrda tashkil etilgan. Bugungi kunga qadar jamg‘arma mablag‘lari hisobidan 1922 ta sport inshooti barpo etilgan, 5369 nafar iqtidorli o‘quvchilarning xalqaro tanlovlardagi ishtiroki ta’minlangan.
Izoh (0)