FIFA tomonidan terma jamoalarning yangi reytingi e’lon qilindi. Unga ko‘ra O‘zbekiston milliy terma jamoasi 73-o‘rindan joy oldi. Bu haqda “Uff.uz” xabar bermoqda.
O‘zbekiston Osiyo jamoalari orasida 6-o‘rinni egallab turibdi. Qit’adagi eng yaxshi natija hamon Eronga tegishli bo‘lib, ayni vaqtda eronliklar umumiy reytingda 43-o‘rinni egallab turibdi. Janubiy Koreya, Yaponiya, Avstraliya va BAA termalari keyingi o‘rinlarda bormoqda. O‘zbekiston terma jamoasidan keyin esa Saudiya Arabistoni va Xitoy o‘rin olgan.
Eslatib o‘tamiz, bir oy muqaddam O‘zbekiston milliy terma jamoasi 74-o‘rinda qayd etilgan edi.
FIFA reytingidagi yetakchilarning o‘rni o‘zgarmay qolgan. 1494 ochko jamg‘argan Belgiya terma jamoasi hamon birinchi bo‘lib turibdi. Argentina ikkinchi, Ispaniya terma jamoasi uchinchi o‘rinni egallagan.
Izoh (0)