Angliyada shaxmat bo‘yicha an’anaviy shaxmat festivali davom etmoqda. O‘z tarixida 91-marotaba tashkil etilayotgan Hastings International Chess Congress turnirida o‘zbekistonlik yosh grossmeyster Jahongir Vohidov ham ishtirok etyapti, deb xabar beradi “Olamsport”.
Vohidov ushbu musobaqada beshinchi raqam ostida tasniflangan.
Bugun, 4-yanvar kuni o‘tkazilayotgan 8-tur oldidan Jahongir Vohidov 5,5 ochko bilan turnir jadvalida 3-o‘rinni egallab turibdi. Dastlabki ikki o‘rinni band etgan vengriyalik Ferens Berkesh va polshalik Aleksander Mista hisobida ham 5,5 tadan ochko bor. Har ikki grossmeyster ham reytingda Jahongirdan yuqorida turibdi.
Festivalning asosiy turniri Tradewise Hastings Masters bo‘lib, aynan shu musobaqada Jahongir Vohidov ishtirok etyapti. Samarqandlik shaxmatchi 8-turda oq donalarda 4-pog‘onadan joy olib turgan vengriyalik Fodor Tamash bilan hisob-kitob qiladi.
Izoh (0)