Facebook foydalanuvchilari ijtimoiy tarmoqning mobil dasturidagi o‘zgarishlarni payqadi: yangiliklar tasmasi mavzular bo‘yicha bo‘lindi, endi, masalan, moda haqidagi yoki ko‘ngilochar xabarlarni sport yoki siyosatdan alohida o‘qish mumkin bo‘ldi, deb yozadi TJournal.
Tadbirkor Jeyson Shtayn ma’lum qilishicha, uning rafiqasining smartfonida yangiliklar tasmasi umumiy bo‘limdan tashqari, “Stil”, “Sayohat” va “Yangiliklar sarlavhalari” nomli ruknlardan iborat bo‘lib qolgan.
Mavzuli yangiliklar tasmasidan tashqari, Facebook kompaniyasi “marketpleys” — turli do‘konlar va foydalanuvchilardan mahsulot xarid qilish uchun mo‘ljallangan bo‘limni ham sinab ko‘ra boshladi.
The Verge nashri so‘roviga javoban, Facebook vakillari haqiqatan ham do‘kon interfeysi sinovdan o‘tkazilayotgani, biroq u hali to‘liq ishga tushirilishdan yiroq ekanligini ta’kidladi. O‘zgacha ko‘rinishdagi yangiliklar tasmasi esa barcha foydalanuvchilarda paydo bo‘lish-bo‘lmasligi noma’lum: bu yangilikka kompaniya izoh bermadi.
Izoh (0)