Facebook фойдаланувчилари ижтимоий тармоқнинг мобил дастуридаги ўзгаришларни пайқади: янгиликлар тасмаси мавзулар бўйича бўлинди, энди, масалан, мода ҳақидаги ёки кўнгилочар хабарларни спорт ёки сиёсатдан алоҳида ўқиш мумкин бўлди, деб ёзади TJournal.
Тадбиркор Жейсон Штайн маълум қилишича, унинг рафиқасининг смартфонида янгиликлар тасмаси умумий бўлимдан ташқари, «Стиль», «Саёҳат» ва «Янгиликлар сарлавҳалари» номли рукнлардан иборат бўлиб қолган.
Мавзули янгиликлар тасмасидан ташқари, Facebook компанияси «маркетплейс» — турли дўконлар ва фойдаланувчилардан маҳсулот харид қилиш учун мўлжалланган бўлимни ҳам синаб кўра бошлади.
The Verge нашри сўровига жавобан, Facebook вакиллари ҳақиқатан ҳам дўкон интерфейси синовдан ўтказилаётгани, бироқ у ҳали тўлиқ ишга туширилишдан йироқ эканлигини таъкидлади. Ўзгача кўринишдаги янгиликлар тасмаси эса барча фойдаланувчиларда пайдо бўлиш-бўлмаслиги номаълум: бу янгиликка компания изоҳ бермади.
Изоҳ (0)