Rossiya OAVlari va bloglarida 2015-yil oxirida boshqa mamlakatlar Rossiyaning dushmani sifatida tilga olinishi bilan bog‘liq holat o‘zgardi, deya xabar bermoqda “Gazeta.ru” “Medialogiya” kompaniyasi tadqiqotlariga tayanib.
Yilning dastlabki to‘qqiz oyi davomida Ukraina Rossiya uchun xavf sifatida tilga olinish bo‘yicha birinchi o‘rinda bo‘lgan. Ikkinchi o‘rinni AQSh egallagan.
Biroq yil oxiriga kelib, Kiyevning dushman sifatida tilga olinishi kamaydi. Rossiyaning Suriyadagi harbiy operatsiyasi boshlangach, dushman sifatida ko‘proq IShID aytib o‘tila boshladi. Ammo terrorchilarning “birinchiligi” ikki oy davom etdi, xolos.
Yil oxirida OAVlar va bloglar talqiniga ko‘ra Rossiyaning yangi “bosh dushmani” aniqlandi. Su-24 samolyoti bilan bog‘liq hodisadan so‘ng u Turkiya bo‘ldi. Maqolada aytilishicha, avvallari Turkiya terrorchilik kontekstida haftasiga taxmina 20 marta tilga olingan bo‘lsa, 24-noyabrdan so‘ng bu ko‘rsatkich 150 tagacha yetdi.
Izoh (0)