Rossiya kompaniyalari yomon vaziyatda ham ijobiy tomonlarni qidirishlari lozim. Bu haqda USM Holdings asoschisi Alisher Usmonov “Rossiya 24” telekanaliga bergan intervyusida ma’lum qildi, deya xabar beradi “Vesti”.
“Rossiyadagi barcha kompaniyalar bir maqsad atrofida birlashadigan payt keldi, deb hisoblayman. Iqtisodiy birlashuv, manfaatlarini himoya etish yuzasidan birgalikdagi harakatlar amalga oshirilishi zarur. Rossiya kompaniyalari yomon vaziyatda ham ijobiy tomonlarni qidirishlari lozim, — deya ta’kidlagan Alisher Usmonov. — Barcha banklar kompaniyalarimizga emin-erkin mablag‘ taklif etganda ularning ko‘pchiligi buning oqibatlarini o‘ylab ham o‘tirmay kredit olgan va balansini qarzga to‘ldirgan. Yevropa davlatlari va AQSh bilan munosabatlarning hozirgi holati esa bu imkoniyatlar yo‘qolishiga olib keldi.
Milliarderning aytishicha, “endi o‘z kuchiga yoki siyosiy xavf-xatarga qaramay sherik bo‘lib qolgan banklarga tayanish kerak. Mablag‘ni tejab ishlatish va investitsiyalar maqsadga muvofiqligini chuqur tahlil etish talab etiladi. Bu esa faqat foyda: Rossiya kompaniyalari, xususan, davlat kompaniyalarining umumiy qarzdorlik yuki tezroq kamayadi”.
Izoh (0)