Rossiya prezidenti Vladimir Putin Tomsk viloyatining Aeroport posyolkasida yashovchi besh yoshli Milana Mixeyevaga o‘z surati va Rossiya bayrog‘ini sovg‘a qildi, deb xabar beradi “Gazeta.ru”.
Qizaloqqa sovg‘ani mintaqa gubernatori Sergey Jvachkin taqdim etdi. U Putin qizcha bilan shaxsan uchrasha olmagani uchun prezidentning uzrini yetkazdi va hoshiyaga solingan prezident surati, Rossiya bayrog‘i va 2016-yilning ramzi — o‘yinchoq maymunni sovg‘a qildi.
Ma’lum qilinishicha, qizaloqning onasi qizining so‘zlarini qog‘ozga tushirib, prezidentga jo‘natgan. Maktubda qiz davlat rahbaridan shaxsan uchrashishni va sovg‘a sifatida qo‘g‘irchoq hamda Rossiya bayrog‘ini so‘ragan.
Izoh (0)