Avstraliyaning ikki vaziri Gonkongdagi barga borib kelgach, iste’fo berdi

Avstraliya hukumatining ikki vaziri Gonkongdagi ommabop barga borib kelgach, iste’fo berdi, deya xabar bermoqda Reuters.

Vazirlar barga mamlakatga rasmiy tashrifi davomida kechki payt borgan. Ushbu barga tashrif buyurgan ayollardan biri shaharlar va antropogen muhit bo‘yicha vazir Jeymi Briggs unga nisbatan nomaqbul munosabatda bo‘lganini aytgan.

“Men bevosita undan uzr so‘radim, biroq chuqur o‘ylab shuni tushundimki, mening xulqim yuqori standartlarga mos bo‘lmadi”, — dedi Briggs jurnalistlarga. Voqeadan so‘ng u iste’fo berdi.

Vazir bardagi hodisa haqida batafsil so‘zlab berishdan bosh tortdi, biroq “qonunga zid narsa” qilmaganini ta’kidladi.

Yana bir vazir — Mal Bro ham hodisada ishtirok etgan. Politsiya uning voqeadagi rolini tekshirmoqda, shunga qaramay, u ham o‘z lavozimini tark etishga qaror qildi.

Vazirlarning arizalari vazirlar mahkamasining yaqin orada bo‘lib o‘tadigan majlisida ko‘rib chiqiladi.