26 декабрь, шанба куни Конго Демократик Республикаси шарқидаги Бени шаҳрида Конго армияси ва «Демократик кучлар альянси» гуруҳи жангарилари ўртасида бўлиб ўтган отишма натижасида уч нафар тинч аҳоли вакили ҳалок бўлди. Бу ҳақда «ТАСС» хабар бермоқда.
Конго қуролли кучлари лейтененти Мак Хазука маълум қилишича, отишмада уч аскар яраланган.
Конго Демократик Республикаси армияси «Демократик кучлар альянси» нуқталарига ўтган йил бошида ҳужум бошлаган эди. Ҳаракат аксилҳукумат ташкилоти сифатида Угандада 1995 йилда пайдо бўлган, сўнг Конгога кўчган эди. Бенида гуруҳ исёнчилари қўлидан юзлаб кишилар ҳалок бўлган.
Изоҳ (0)