Xitoyning Xenan viloyatidagi mahalliy hayvonot bog‘iga kelgan erkak yo‘lbarsning changaliga tushishiga oz qoldi: u yirtqich istiqomat qilayotgan atrofi o‘ralgan maydoncha ustidagi to‘rga borib tushdi. Bu haqda “Nur.kz” xabar bermoqda.
Kuzatuv kamerasi yozuvida bog‘ning 40 yoshli tashrif buyuruvchisi ko‘targich yo‘lbars maydonchasi ustiga kelganida undan o‘zini pastga tashlaganini ko‘rish mumkin. Erkakni, garchi egilgan bo‘lsa-da, maydoncha ustidagi to‘r ushlab qoldi. Yirtqich chaqirilmagan mehmonni panjasi bilan ushlab olishga harakat qilgan, biroq buning uddasidan chiqolmagan.
Mazkur rolik Xitoy markaziy televideniyesi — CCTV’ning YouTube’ dagi rasmiy kanalida joylashtirildi va hozirning o‘zida salkam 7 ming marta ko‘rildi. Erkakni to‘rdan chiqarib olishganda “kishini junbushga keltiradigan hissiyotlarni istаgani” tufayli shunday harakatga qo‘l urganini bildirdi. U ruhiy jihatdan sog‘lom emas, deb topildi, javobgarlikka tortilishi yoki yo‘qligi hozircha ma’lum emas.
https://youtu.be/hCdCgZgkTDo
Izoh (0)