Hindiston chegara kuchlari samolyotining poytaxt Nyu-Dehli aeroportida qulashi oqibatida 10 kishi halok bo‘ldi. Super King samolyoti bortida Ranchiga shahriga vertolyot ta’miri uchun yo‘l olgan chegara kuchlarining uch nafar zobiti va yetti nafar texnik xodim bo‘lgan. Hodisa 22-dekabr, seshanba kuni ertalab, samolyot balandlikka ko‘tarilayotganda ro‘y berdi, deya xabar beradi “RIA Novosti”.
NDTV telekanalining ma’lum qilishicha, samolyot parvozdan so‘ng aniqlangan texnik nuqsonlar tufayli aeroportga qaytishga harakat qilgan bo‘lishi mumkin. Havo kemasi devorga borib urilgan va texnik suv havzasiga qulab, yonib ketgan. Ayni paytda bu yerda o‘t o‘chiruvchilar va politsiya xodimlari ishlamoqda.
Hindiston ichki ishlar vaziri Rajnatx Singx hodisa joyiga kelgani aytilmoqda, fuqarolik aviatsiyasi vaziri Maxesh Sharma esa tekshiruv boshlash yuzasidan ko‘rsatma bergan.
Izoh (0)