Panama oliy sudi mamlakatning sobiq prezidenti Rikardo Martinellini hibsga olishga order berdi. Bu haqda “RIA Novosti” xabar bermoqda.
Oldinroq Panama prokuraturasi oliy sudga sobiq prezidentni sudga hurmatsizlik bilan munosabatda bo‘lgani uchun qo‘lga olish haqidagi so‘rov bilan murojaat etgandi. Mamlakatni 2009—2014-yillarda boshqargan Martinelli sud majlisiga kelmagach, prokuratura ayblanuvchini sud harakatlarida ishtirok etishdan bosh tortayotgani haqida hukm chiqargandi.
Sobiq davlat rahbari korrupsiyaga ehtimoliy aloqadorlik, muxolifat, safdoshlari va mamlakat fuqarolari ortidan kuzatuvda ayblanmoqda. Shuningdek, u Panama vizalarini qoidalarga zid ravishda berganlikda ham gumon qilinmoqda. Bunday noqonuniy savdo Martinelli va uning taxmin etilayotgan sheriklariga 100 million dollargacha daromad keltirgani aytilmoqda.
Sobiq prezident mazkur ayblovlar bilan 21 yil muddatgacha qamoq jazosiga tortilishi mumkin.
Izoh (0)