Хитойнинг Хенан вилоятидаги маҳаллий ҳайвонот боғига келган эркак йўлбарснинг чангалига тушишига оз қолди: у йиртқич истиқомат қилаётган атрофи ўралган майдонча устидаги тўрга бориб тушди. Бу ҳақда «Nur.kz» хабар бермоқда.
Кузатув камераси ёзувида боғнинг 40 ёшли ташриф буюрувчиси кўтаргич йўлбарс майдончаси устига келганида ундан ўзини пастга ташлаганини кўриш мумкин. Эркакни, гарчи эгилган бўлса-да, майдонча устидаги тўр ушлаб қолди. Йиртқич чақирилмаган меҳмонни панжаси билан ушлаб олишга ҳаракат қилган, бироқ бунинг уддасидан чиқолмаган.
Мазкур ролик Хитой марказий телевидениеси — CCTV’нинг YouTube’ даги расмий каналида жойлаштирилди ва ҳозирнинг ўзида салкам 7 минг марта кўрилди. Эркакни тўрдан чиқариб олишганда «кишини жунбушга келтирадиган ҳиссиётларни истагани» туфайли шундай ҳаракатга қўл урганини билдирди. У руҳий жиҳатдан соғлом эмас, деб топилди, жавобгарликка тортилиши ёки йўқлиги ҳозирча маълум эмас.
https://youtu.be/hCdCgZgkTDo
Изоҳ (0)