Saudiya Arabistoni tarixida ilk bor ayollar mamlakatda bo‘lib o‘tgan saylovlar chog‘ida o‘z-o‘zini boshqarish munitsipal organlarida 20 ta o‘rinni egalladi. Bu haqda “Korrespondent.net” xabar bermoqda.
Mamlakatda o‘tkazilgan saylovlarda ayollar birinchi marta saylovchi va nomzod sifatida ishtirok etdi. Saylovlarda nomzod sifatida 979 nafar ayol va 6 mingga yaqin erkak qatnashgan. Ovoz berishda ishtirok etgan ayollar ulushi saylovchilarning 10 foizini tashkil etdi. Saylov uchastkalarida ayollar va erkaklar alohida-alohida ovoz bergan.
Saylov natijalariga ko‘ra, ayollar egallagan 20 ta lavozim mamlakat o‘z-o‘zini boshqarish munitsipal organlaridagi o‘rinlarning atigi 1 foizini tashkil etmoqda, biroq mazkur holatning o‘zi Saudiya Arabistoni uchun ayollar huquqini yaxshilash borasida katta qadam ekanligi ta’kidlanmoqda.
Izoh (0)