Turkiya harbiylarining avtokolonnasi kurd “peshmerg” otryadlarining Shimoliy Iroqdagi Bashika mashg‘ulot lagerini tark etdi, deya xabar bermoqda “TASS” NTV telekanaliga tayanib. Ular Iroq shimolidagi boshqa mintaqaga ko‘chirilgan.
Turkiya harbiy kontingenti aynan qayerga joylashtirilgani xabar berilganicha yo‘q. Lagerdan jami 10—12 dona armiya transporti chiqib ketgan. Telekanal ma’lumotlariga ko‘ra, so‘nggi vaqtlarda Turkiya ushbu mintaqaga 25 ta tank yo‘naltirgan, mintaqadagi harbiy xizmatchilar soni esa taxminan 600 kishiga teng.
Nashr eslatishicha, 11-dekabr kuni prezident Rajab Toyyib Erdo‘g‘on Turkiya kurdlarning “peshmerg” isyonchilarini tayyorlashda davom etishini aytib, Shimoliy Iroqdan o‘z harbiylarini chiqarib ketmoqchi emasligini ma’lum qilgan edi.
Izoh (0)