Turkiya Rossiya bilan munosabatlarda nizo tarafdori emas. Bu haqda Turkiya prezidenti Rajab Toyyib Erdo‘g‘on Turkmanistonga ketish chog‘ida samolyotda jurnalistlarga ma’lum qildi, deb yozadi “TASS”.
“Turkiyaga keladigan bo‘lsam, biz nizo tarafdorlari emasmiz. Biz Rossiya bilan strategik aloqalarimizni xuddi shu yo‘nalishda davom ettirishni istaymiz. Biz ularni so‘nggi 10—11 yil davomida muvaffaqiyat bilan rivojlantirib keldik, shuni davom ettirish tarafdorimiz”, — dedi u.
Erdo‘g‘on ta’kidlashicha, ba’zi kuzatuvchilarning urib tushirilgan Su-24 bilan bog‘liq vaziyat har ikkala mamlakat uchun ataylab uyushtirilgan qopqon ekanligi haqidagi bayonotlari nimaga asoslanganini tushuna olmayapti.
“Hodisa ogohlantirishlarga javob qilmagan va ularga quloq solmagan uchuvchining aybi bilan ro‘y berdi”, — dedi u.
Prezident voqea uchun hisobni strategik aloqalarga yuklamaslikka chaqirdi. “Eng yaqin vaqtda buni tuzatishimizni xohlagan bo‘lardim”, — deya qayd etdi u.
Izoh (0)