Pokistonning Parachinar shahridagi bozorda ro‘y bergan portlash qurbonlari soni 25 nafarga, jarohatlanganlar esa 62 kishiga yetdi. Bu haqda “RIA Novosti” xabar bermoqda.
Guvohlar teraktni jinoyat joyidan yashirinishga uringan ikki kishi amalga oshirgan bo‘lishi mumkinligini taxmin qilmoqda. Ular qo‘lga olingan va rasmiylarga topshirilgan. Dawn nashrining ma’lum qilishicha, portlovchi qurilmada 35—40 kilogramm atrofida portlovchi modda bo‘lgan. Terakt uchun javobgarlikni bir yo‘la ikki ekstremistik guruh — “Lashkar-e-Jangvi al-Alami” va “Ansarul Mujaxidin” o‘z zimmasiga olgan.
Eslatib o‘tamiz, oldinroq Parachinardagi portlash qurbonlari 15 kishini tashkil etgani haqida xabar berilgandi.
Izoh (0)