Venesuelada muxolifatdagi “Demokratik birlik davra stoli” bloki Milliy assambleyaga saylovlarda g‘olib chiqdi. Bu haqda Meduza xabar bermoqda.
Mamlakat saylov komissiyasi rahbari Tibisay Lusenaning ma’lum qilishicha, blok parlamentdagi 167 o‘rindan 99 tasiga da’vo qilishi mumkin. Hukmron “Yagona sotsialistik partiya” atigi 46 ta o‘ringa ega bo‘ldi.
“Natijalar biz kutgandek. Venesuela g‘olib chiqdi. Buni endi ortga qaytarib bo‘lmaydi”, — deya ta’kidlagan muxolifat yetakchisi Enrike Kapriles.
Ovoz berishning dastlabki natijalari e’lon qilinganidan so‘ng odamlar poytaxt Karakas ko‘chalariga chiqib, o‘z xursandchiligini namoyish etgan. Mamlakat prezidenti Nikolas Maduro saylov yakunlarini tan oldi.
Sotsialistlar Venesuelada 17 yildan beri hukmron partiya sanaladi.
Izoh (0)