Shifokorlar AQShning sobiq prezidenti, 91 yoshli Jimmi Karter miya saratonidan to‘liq xalos bo‘lganini ta’kidlamoqda. Buni Karterning o‘zi ham Jorjiya shtatidagi chiqishi chog‘ida tasdiqlagan. Bu haqda NBC telekompaniyasiga tayanib, “TASS” xabar bermoqda.
“O‘tgan hafta magnit-rezonans tomografiyasidan o‘tdim. Shifokorlar miyamda saraton o‘simtalari qolmaganini aytdi”, — deya ma’lum qilgan sobiq prezident.
Eslatib o‘tamiz, avgust oyida Karterning jigari operatsiya qilingan, shundan so‘ng u jigar saratoniga chalinganini e’lon qilgandi. Keyinchalik shifokorlar uning miyasida ham to‘rtta o‘simtani aniqlagan. Karter nur terapiyasi oldi, eng zamonaviy dori-darmonlarni qabul qildi. Sobiq prezident Jorjiya shtatining Atlanta shahridagi Emori universiteti kasalxonalaridan birida davolandi.
Izoh (0)