AQShlik geofiziklar Janubiy va Janubi-Sharqiy Osiyoda bir necha o‘n yilliklar davomida yuz milliondan ziyod kishi margimush (mishyak) bilan zaharlanishi sirini fosh qildi. O‘z tadqiqotlari natijalarini mualliflar Nature Geosciences jurnalida chop etdi.
Bangladesh, Hindiston, Kambodja, Myanma, Vyetnam va Xitoyning ba’zi tumanlarida ichimlik suvi tarkibidagi margimush miqdori Jahon sog‘liqni saqlash tashkiloti tavsiya qilgan me’yordan 20—100 marta ortiqdir. Bu mahalliy aholi orasida doimiy ravishda ommaviy zaharlanishga sabab bo‘ladi.
Geofiziklar ma’lumotlariga ko‘ra, margimush suvga bakteriyalar metabolizmi natijasida uning ajralib chiqishi uchun qulay sharoit yaratish oqibatida tushib qoladi. Olimlar tadqiqotlari Mekong daryosi etagida sodir bo‘layotgan ushbu jarayon mexanizmlarini tushuntirib berishga bag‘ishlangan.
Olimlar fikrlariga ko‘ra, antropogen omil bakteriyalar margimush ishlab chiqarishi uchun qulay bo‘lgan sharoitlarni yuzaga keltirishi mumkin. Xususan, mintaqa gidrologiyasi o‘zgarishi (damba va suv to‘playdigan inshootlar qurilishi) margimush konsentratsiyasini xavfli darajalargacha ko‘tarishi mumkin.
Izoh (0)