Tokio “Mishlen” nomli nufuzli restoranlar gidining reytingida birinchi o‘rinni egallab, yana bir marta dunyoning pazandachilik bo‘yicha poytaxti deb tan olindi. Bu haqda Reuters bergan ma’lumotlarga asoslanib, “Gazeta.ru” xabar bermoqda.
Xabar qilinishicha, Yaponiya ushbu unvonni ketma-ket to‘qqizinchi marotaba qo‘lga kiritmoqda.
“Tokioda restoranlar soni rosa ko‘p, taklif turlari juda keng”, ― deya ta’kidlaydi “Mishlen” xalqaro direktori Maykl Ellis.
“Mishlen” matbuot kotibining bayonotiga ko‘ra, bu safar Tokio restoranlaridan (2014-yildagi 267 tadan farqli o‘laroq) 217 tasi rag‘batlantiruvchi yulduz olib, jahon poytaxtlari orasida eng yaxshi natijani qo‘lga kiritdi. Restoranlardan 13 tasi esa eng yuqori baho olib, “Mishlen”ning uchta yulduzi sohibi bo‘ldi.
Ilk “Mishlen” nomli restoranlar gidi 1900-yilda nashrdan chiqqan bo‘lib, “yulduz” berish yo‘li bilan baholash usuli 1920-yilda joriy qilingan. “Mishlen” yulduzi restoran biznesining “Oskar” mukofoti hisoblanadi.
Izoh (0)