Токио «Мишлен» номли нуфузли ресторанлар гидининг рейтингида биринчи ўринни эгаллаб, яна бир марта дунёнинг пазандачилик бўйича пойтахти деб тан олинди. Бу ҳақда Reuters берган маълумотларга асосланиб, «Газета.ru» хабар бермоқда.
Хабар қилинишича, Япония ушбу унвонни кетма-кет тўққизинчи маротаба қўлга киритмоқда.
«Токиода ресторанлар сони роса кўп, таклиф турлари жуда кенг», ― дея таъкидлайди «Мишлен» халқаро директори Майкл Эллис.
«Мишлен» матбуот котибининг баёнотига кўра, бу сафар Токио ресторанларидан (2014 йилдаги 267 тадан фарқли ўлароқ) 217 таси рағбатлантирувчи юлдуз олиб, жаҳон пойтахтлари орасида энг яхши натижани қўлга киритди. Ресторанлардан 13 таси эса энг юқори баҳо олиб, «Мишлен»нинг учта юлдузи соҳиби бўлди.
Илк «Мишлен» номли ресторанлар гиди 1900 йилда нашрдан чиққан бўлиб, «юлдуз» бериш йўли билан баҳолаш усули 1920 йилда жорий қилинган. «Мишлен» юлдузи ресторан бизнесининг «Оскар» мукофоти ҳисобланади.
Изоҳ (0)