National Geographic Traveler jurnali 2015-yilning eng yaxshi sayyohlik yo‘nalishlari uchun ovoz berish yakunlarini e’lon qildi, deb yozadi “Review.uz”. “Yil yangiligi” nominatsiyasida Ozarbayjon g‘olib bo‘ldi.
Bundan tashqari, Ozarbayjon “Plyajda dam olish” va “Ekskursiyada dam olish” yo‘nalishlarida to‘rtinchi o‘rinlarni qo‘lga kiritdi.
Shuningdek, National Geographic Traveler mushtariylari Ozarbayjonni “Gastronomik sayyohlik” sohasidagi yetakchi mamlakatlardan biri deb e’tirof etdi. Ovoz berish natijalariga ko‘ra, Ozarbayjon ushbu yo‘nalishda yuqori uchlikka kirdi.
Tanlov onlayn tarzda ovoz berish orqali 29-iyundan 15-oktabrgacha o‘tkazildi. Bundan ko‘zlangan maqsad eng ommabop dam olish turlari bo‘yicha eng yaxshi sayyohlik nuqtalarini aniqlashdan iborat bo‘ldi.
Izoh (0)