National Geographic Traveler журнали 2015 йилнинг энг яхши сайёҳлик йўналишлари учун овоз бериш якунларини эълон қилди, деб ёзади «Review.uz». «Йил янгилиги» номинациясида Озарбайжон ғолиб бўлди.
Бундан ташқари, Озарбайжон «Пляжда дам олиш» ва «Экскурсияда дам олиш» йўналишларида тўртинчи ўринларни қўлга киритди.
Шунингдек, National Geographic Traveler муштарийлари Озарбайжонни «Гастрономик сайёҳлик» соҳасидаги етакчи мамлакатлардан бири деб эътироф этди. Овоз бериш натижаларига кўра, Озарбайжон ушбу йўналишда юқори учликка кирди.
Танлов онлайн тарзда овоз бериш орқали 29 июндан 15 октябргача ўтказилди. Бундан кўзланган мақсад энг оммабоп дам олиш турлари бўйича энг яхши сайёҳлик нуқталарини аниқлашдан иборат бўлди.
Изоҳ (0)