Qibray tumanida istiqomat qiluvchi aka-uka o‘zlari dehqonchilik bilan shug‘ullanadigan fermer xo‘jaligi yerlarida makkajo‘xori orasida yashirin tarzda marixuana o‘simligini ekkan, deya xabar bermoqda “Huquq” gazetasi.
Ma’lum bo‘lishicha, ular yetishtirilgan mahsulotni qo‘shni respublikaga olib o‘tib, sotish maqsadida 768,2 gramm giyohvandlik vositasini yashash xonadonlarida saqlab kelgan.
“Ushbu holat Milliy xavfsizlik xizmati va boshqa organlar xodimlari tomonidan aniqlanib, tezkor tadbirlar jarayonida qonunbuzarlar qo‘lga olindi”, — deyiladi gazeta xabarida.
Qayd etishlaricha, marixuana yetishtirgan aka-uka qonunda belgilangan jinoiy javobgarlikka tortilgan, ularga nisbatan jazo muqarrarligi ta’minlangan.
Izoh (0)