“O‘zbekiston havo yo‘llari” Milliy aviakompaniyasida yangi trenajyor — Airbus A320 samolyoti Full-flight-simulyatori (FFS) foydalanishga topshirildi. Bu haqda UzDaily xabar bermoqda.
Mazkur trenajyor yordamida aviakompaniya uchuvchilar tarkibi haqiqiy parvozga imkon darajasida yaqinlashtirilgan sharoitda malakalarini oshirib, favqulodda holatlardagi harakatlarni sinovdan o‘tkazadi.
Full-flight-simulyator aviatsiya trenajyorlari ishlab chiqaruvchi Kanadaning SAYe kompaniyasi mahsuloti bo‘lib, harakatlanuvchi platformaga A320 layneri kabinasi nushasi o‘rnatilgan va eng zamonaviy kompyuter dasturi bilan jihozlangan. Trenajyorning og‘irligi salkam 10 tonnadan iborat.
Milliy aviakompaniya trenajer kompleksining texnik jihozlanishi nafaqat shaxsiy uchuvchilar tarkibi, balki xorij aviakompaniyalariga ham uchuvchilarini o‘qitish va malakasini oshirish bo‘yicha xizmatlarni taklif etish imkonini beradi. Bugungi kunda kompleksda Boing-757/767, A320 va Il-114-100 havo kemalari trenajyorlari mavjud. FFS foydalanishga toshirilishi uchuvchilarni Airbus A320 da parvoz qilishga chet el o‘quv markazlarini jalb etmagan holda tayyorlash va qayta tayyorlash uchun zamin yaratadi.
Izoh (0)