Қибрай туманида истиқомат қилувчи ака-ука ўзлари деҳқончилик билан шуғулланадиган фермер хўжалиги ерларида маккажўхори орасида яширин тарзда марихуана ўсимлигини эккан, дея хабар бермоқда «Ҳуқуқ» газетаси.
Маълум бўлишича, улар етиштирилган маҳсулотни қўшни республикага олиб ўтиб, сотиш мақсадида 768,2 грамм гиёҳвандлик воситасини яшаш хонадонларида сақлаб келган.
«Ушбу ҳолат Миллий хавфсизлик хизмати ва бошқа органлар ходимлари томонидан аниқланиб, тезкор тадбирлар жараёнида қонунбузарлар қўлга олинди», — дейилади газета хабарида.
Қайд этишларича, марихуана етиштирган ака-ука қонунда белгиланган жиноий жавобгарликка тортилган, уларга нисбатан жазо муқаррарлиги таъминланган.
Изоҳ (0)