So‘nggi ikki oy ichida Yaponiya sohillariga 11 ta yog‘och qayiq va kichik yelkanli kemalar keldi, deya xabar bermoqda “Segodnya.ua”. KXDRga tegishli deb taxmin qilinayotgan qayiqlarda ochlik va suvsizlikdan o‘lgan jami 25 kishining jasadi topildi.
Kemalarning ko‘pchiligida koreys tilidagi belgilar bo‘lgan, ularda, shuningdek, baliqchilik anjomlari ham topilgan.
Yaponiyadagilar taxmin qilishicha, halok bo‘lganlar orasida chegaradan qochib o‘tishga uringanlar ham bo‘lishi mumkin. Ekspertlar koreyaliklar baliq tutish bilan shug‘ullanib, navigatsiya qurilmasi bo‘lmagani tufayli, dengizda adashib qolgan bo‘lishi mumkinligini ham istisno qilmadi. Yana, baliqchilar dvigatellar ishdan chiqqani tufayli portga yetib bora olmaganligi haqidagi versiya ham bor.
2013-yildan buyon Yaponiya sohillariga bunday kemalardan jami 170 ta yetib kelgan.
Izoh (0)