Rossiya Qora dengiz tezkor o‘zaro aloqa harbiy-dengiz guruhi — BlackSeaFor mashg‘ulotlaridagi ishtirokini noma’lum muddatga to‘xtatdi. Bu haqda Rossiya davlat dumasi mudofaa qo‘mitasi rahbari admiral Vladimir Komoyedov (u oldin Qora dengiz floti qo‘mondoni bo‘lgan) ma’lum qildi, deya xabar beradi Meduza.
Rossiya Turkiya tashabbusi bilan tashkil etilgan mazkur guruhda 2001-yildan beri qatnashib keladi. Bu ikki mamlakatdan tashqari, BlackSeaFor tarkibiga Bolgariya, Ruminiya, Ukraina va Gruziya kiradi.
Eslatib o‘tamiz, oldinroq Rossiya mudofaa vazirligi Turkiya qurolli kuchlari bilan barcha o‘zaro aloqalarni to‘xtatganligi to‘g‘risida xabar bergandik.
Izoh (0)