Turkmaniston Vazirlar Mahkamasi raisi o‘rinbosari S.Toyliyev mamlakat ilmiy-ta’lim, tibbiy, sport va sayyohlik sohasi xodimlari nomidan Turkmaniston prezidenti Gurbanguli Berdimuhamedovga maxsus kompyuter tizimiga ega velosiped sovg‘a qildi. Bu haqda “Turkman davlat xabarlari” agentligi xabar bermoqda.
Turkmaniston prezidenti velopoygachi libosida velosipedga o‘tirib, velopoyga ishtirokchilari bilan birga Betaraf Turkmaniston shoh ko‘chasidan Atamurat Niyazov shoh ko‘chasi bo‘ylab velosipedda sayr qildi.
“Shahardagi qurilish ishlarining 12-navbati doirasida Ashxobodning bu qismida qurilayotgan oq marmarli binolarni, obodonlashtirish ishlarini kuzatib, millat yetakchisi Gurbanguli Berdimuhamedov poytaxtning zamonaviy qiyofasini shakllantirish bo‘yicha bir qator tavsiya va ko‘rsatmalar berdi”, — deyiladi agentlik xabarida.
Izoh (0)