25-noyabr kuni Qirg‘izistonning O‘sh shahrida harbiy xizmatchi Almaz Kojoshev oilasida qizaloq dunyoga keldi, u mamlakatning olti millioninchi fuqarosi bo‘ldi, deya xabar bermoqda “Review.uz”.
Qirg‘iziston prezidenti Almazbek Atambayev chaqaloqning ota-onasini tabrikladi va bosh vazirga yangi tug‘ilgan bolalar va ularning onalarini zarur tibbiy ko‘mak bilan ta’minlashni topshirdi.
Davlat rahbari hukumatga olti millioninchi qirg‘izistonlikning oilasiga alohida turar-joy berish, chaqaloqning nomiga 1 million somli depozit hisobi ochish, shuningdek, olti millioninchi qirg‘izistonlik bilan bir vaqtda tug‘ilgan o‘n nafar chaqaloqning oilalariga 100 ming somlik moddiy yordam ko‘rsatishni topshirdi.
Izoh (0)