Rossiya Qrimning energetik qamal qilinishiga javoban, 24-noyabr, seshanba kundan Ukrainaga ko‘mir yetkazib berishni to‘xtatdi, deya xabar bermoqda “Kommersant” vaziyatdan xabardor manbalariga tayanib.
Nashr ma’lum qilishicha, Rossiya bojxonasi energetik va koksga aylantiriladigan ko‘mirni ukrainalik xaridorlar uchun yuklab jo‘natishni taqiqlagan. Biroq Ukraina orqali ko‘mirni tranzit qilish odatiy rejimda davom etmoqda.
“Ukrenergo” direktori Rossiyani avval tuzilgan shartnomalarni bajarmaslikda aybladi, ammo tafsilotlarni oshkor qilmadi.
Ukraina energetika vazirligidagilar mamlakatdagi ko‘mir zaxirasi 2 million tonnani tashkil etishi, bu ko‘pi bilan bir oyga yetishini ma’lum qildi.
Eslatib o‘tamiz, Qrimga elektr uzatiladigan Ukrainaning Xerson viloyatidagi qurilmalar ustunlari noma’lum kimsalar tomonidan portlatib yuborilganligi oqibatida yarimorolda elektr energiyasi tanqisligi yuzaga keldi. Mazkur hodisa tufayli yarimorol deyarli to‘liq energiyasiz qoldi. Ukraina energiya ta’minotini to‘xtatganligi munosabati bilan Qrimda favqulodda holat e’lon qilindi.
Izoh (0)