Hindiston shimolidagi Jammu va Kashmir shtatida jangarilar guruhi harbiy bazaga hujum qildi, deya xabar bermoqda “RIA Novosti” Times of India nashriga tayanib.
Hodisa Hindiston va Pokiston o‘rtasidagi nazorat chizig‘i yaqinida sodir bo‘ldi. Uch yoki to‘rt jangaridan iborat guruh harbiy bazaga 25-noyabr, chorshanba kuni ertalab hujum uyushtirdi. Jangarilar o‘t ochib, bazaga granatalar ota boshladi, natijada yoqilg‘i va moylash materiallari ombori yonib ketdi.
Hindiston armiyasi aksilterrorchilik operatsiyasini boshladi, jangarilar va harbiylar o‘rtasida otishmalar bormoqda. Qurbonlar haqida ma’lumot kelib tushganicha yo‘q.
Izoh (0)