Россия Қримнинг энергетик қамал қилинишига жавобан, 24 ноябрь, сешанба кундан Украинага кўмир етказиб беришни тўхтатди, дея хабар бермоқда «Коммерсант» вазиятдан хабардор манбаларига таяниб.
Нашр маълум қилишича, Россия божхонаси энергетик ва коксга айлантириладиган кўмирни украиналик харидорлар учун юклаб жўнатишни тақиқлаган. Бироқ Украина орқали кўмирни транзит қилиш одатий режимда давом этмоқда.
«Укрэнерго» директори Россияни аввал тузилган шартномаларни бажармасликда айблади, аммо тафсилотларни ошкор қилмади.
Украина энергетика вазирлигидагилар мамлакатдаги кўмир захираси 2 миллион тоннани ташкил этиши, бу кўпи билан бир ойга етишини маълум қилди.
Эслатиб ўтамиз, Қримга электр узатиладиган Украинанинг Херсон вилоятидаги қурилмалар устунлари номаълум кимсалар томонидан портлатиб юборилганлиги оқибатида яриморолда электр энергияси танқислиги юзага келди. Мазкур ҳодиса туфайли яриморол деярли тўлиқ энергиясиз қолди. Украина энергия таъминотини тўхтатганлиги муносабати билан Қримда фавқулодда ҳолат эълон қилинди.
Изоҳ (0)