AQSh prezidentligiga Demokratik partiyadan nomzodlar orasida favorit hisoblangan mamlakat sobiq davlat kotibi Hillari Klinton o‘zi tez-tez keskin tanqid qiladigan yirik moliyaviy kompaniyalardan kattagina mablag‘lar olgan. Bu haqda Associated Press agentligiga tayanib, “TASS” xabar berdi.
Agentlik jurnalistlari aniqlashicha, Hillari Klinton va uning turmush o‘rtog‘i — AQSh sobiq prezidenti Bill Klinton — 2001-yildan buyon ko‘chmas mulk, moliya va sug‘urta sohasida xizmatlar taqdim etuvchi korporatsiyalar xodimlari qarshisida 164 marta nutq so‘zlab, kamida 35 million dollar pul ishlab olgan.
Hillari va Bill Klintonga pul to‘lagan kompaniyalar vakillari bu narsa ular olib borgan siyosatga o‘z ta’sirini o‘tkazmaganini ta’kidladi.
AQSh sobiq davlat kotibi moliyaviy korporatsiyalar qo‘llaydigan ba’zi amaliyotlarni bir necha marta keskin tanqid qilgan. Oktabr oyida u bunday kompaniyalarning katta qarzdorlikka ega bo‘lgan va riskli oldi-sotdilarni amalga oshiradiganlariga nisbatan qo‘shimcha soliqlar solishni taklif qilgan edi.
Izoh (0)