Joriy yilning 26-noyabr kuni Toshkent shahrida Madaniyat va sport ishlari vazirligi Respublika xalq ijodiyoti va madaniy-ma’rifiy ishlar ilmiy-metodik markazi tomonidan “Milliy dorbozlik san’atini rivojlantirishning dolzarb masalalari” mavzusida respublika ilmiy-amaliy anjumani o‘tkaziladi. Bu haqda ilmiy-amaliy anjumani tashkilotchisi O‘zbekiston Respublikasi Madaniyat va sport ishlari vazirligi Respublika xalq ijodiyoti va madaniy-ma’rifiy ishlar ilmiy-metodik markazi matbuot xizmati “Daryo”ga xabar berdi.
Milliy dorbozlik san’atini rivojlantirish masalalariga bag‘ishlangan ilmiy-amaliy anjumanni tashkil etishdan ko‘zlangan asosiy maqsad ham ko‘p ming yillik tarixga ega milliy dorbozlik va xalq tomosha san’atiga alohida e’tibor qaratish, Respublikada faoliyat yuritayotgan dorbozlik jamoalari faoliyatini tahlil qilish, ularning texnik xavfsizligi, ijro mahorati, sahna madaniyatini yuksaltirish, tomosha dasturlarining g‘oyaviy-badiiy saviyasini oshirish va milliy vatanparvarlik ruhida shakllantirish borasida amaliy-uslubiy yordam berish hamda ularni qo‘llab-quvvatlashdan iboratdir.
Anjumanning amaliy qismida milliy dorbozlik jamoalari va sirk guruhlarining ijro dasturidan videolavhalar namoyish etilib, malakali mutaxassislar tomonidan mahorat darslari o‘tkaziladi.
Eslatib o‘tamiz, “Dor va dor osti tomoshalari san’ati” YuNESKOning Insoniyat Nomoddiy madaniy merosining Reprezentativ ro‘yxatiga tavsiya etilgan.
Izoh (0)