2015-yilning 24-noyabr kuni Turkmaniston poytaxti Ashxobod shahrida “Markaziy Osiyo + Yaponiya” muloqoti yuqori mansabdor shaxslarining 10-kengashi bo‘lib o‘tdi. Bu haqda O‘zbekiston TIV matbuot xizmati xabar bermoqda.
Tashqi ishlar vazirlari o‘rinbosarlari darajasidagi kengash ishida O‘zbekiston, Qozog‘iston, Qirg‘iziston, Tojikiston, Turkmaniston va Yaponiya delegatsiyalari ishtirok etdi.
Yig‘ilishda qishloq xo‘jaligi, transport va logistika sohalaridagi hamkorlikni rivojlantirish va mazkur yo‘nalishlardagi loyihalarni zamonaviy Yaponiya texnologiyalarini jalb qilgan holda amalga oshirish istiqbollari muhokama qilindi.
“Markaziy Osiyo + Yaponiya” muloqoti yuqori mansabdor shaxslarining navbatdagi kengashini 2016-yil Tokio shahrida o‘tkazish belgilandi.
Izoh (0)