“Daryo”da yangi doimiy rukn — har kuni eng muhim yangiliklarning kechki dayjesti berib boriladi.
1. Putin Su-24 qulashini terrorchilarning sheriklari tomonidan orqadan berilgan zarba deb atadi. Su-24 qulashi bilan bog‘liq barcha xabarlar bu yerda jamlangan.
2. Seysmologiya instituti Toshkentda 10 balli zilzila bo‘lishi haqidagi mish-mishlarni rad etdi. So‘nggi vaqtlarda kuzatilayotgan kuchsiz zilzilalar ketma-ketligi, aftidan, shunday mish-mishlarga sabab bo‘lgan.
3. Halokatlar kuni: AQShda harbiy vertolyot halokatga uchradi, 4 kishi qurbon bo‘ldi; Pokistonda qiruvchi samolyot qulab tushdi, uchuvchi halok bo‘ldi; Suriyalik jangarilar Rossiya vertolyoti urib tushirilgani haqida ma’lum qildi.
4. Pfizer 160 milliard dollar evaziga botoks ishlab chiqaruvchi Allergan kompaniyasini sotib oldi. Shunday qilib, jahondagi eng yirik dori-darmon shirkati yuzaga keldi.
5. Rossiyaning Chelyabinsk shahri aholisi noyob tabiat hodisasi — Oy atrofidagi kamalakka guvoh bo‘ldi. Umuman, bu g‘alati shahar — unga meteorit tushadi, shahar ustida uchta quyosh chiqadi, odamlari esa garajlari ostidan mamont tishini topadi, o‘zi samolyot yig‘ib, beruxsat parvoz qiladi.
Izoh (0)