Жорий йилнинг 26 ноябрь куни Тошкент шаҳрида Маданият ва спорт ишлари вазирлиги Республика халқ ижодиёти ва маданий-маърифий ишлар илмий-методик маркази томонидан «Миллий дорбозлик санъатини ривожлантиришнинг долзарб масалалари» мавзусида республика илмий-амалий анжумани ўтказилади. Бу ҳақда илмий-амалий анжумани ташкилотчиси Ўзбекистон Республикаси Маданият ва спорт ишлари вазирлиги Республика халқ ижодиёти ва маданий-маърифий ишлар илмий-методик маркази матбуот хизмати «Дарё»га хабар берди.
Миллий дорбозлик санъатини ривожлантириш масалаларига бағишланган илмий-амалий анжуманни ташкил этишдан кўзланган асосий мақсад ҳам кўп минг йиллик тарихга эга миллий дорбозлик ва халқ томоша санъатига алоҳида эътибор қаратиш, Республикада фаолият юритаётган дорбозлик жамоалари фаолиятини таҳлил қилиш, уларнинг техник хавфсизлиги, ижро маҳорати, саҳна маданиятини юксалтириш, томоша дастурларининг ғоявий-бадиий савиясини ошириш ва миллий ватанпарварлик руҳида шакллантириш борасида амалий-услубий ёрдам бериш ҳамда уларни қўллаб-қувватлашдан иборатдир.
Анжуманнинг амалий қисмида миллий дорбозлик жамоалари ва цирк гуруҳларининг ижро дастуридан видеолавҳалар намойиш этилиб, малакали мутахассислар томонидан маҳорат дарслари ўтказилади.
Эслатиб ўтамиз, «Дор ва дор ости томошалари санъати» ЮНЕСКОнинг Инсоният Номоддий маданий меросининг Репрезентатив рўйхатига тавсия этилган.
Изоҳ (0)