AQShning kichik Friport shahrining okrug kengashi rahbari 2011-yilda ushbu lavozimga saylanayotib, mahalliy gazeta saytida o‘ziga qarata yozilgan izoh orqali haqoratlangan edi. U o‘zini ranjitgan odamni topishga qaror qildi va to‘rt yil ichida qariyb 35 ming dollar sarflab, oxir-oqibat bunga erishdi ham, biroq natijadan qoniqmadi. Bu haqda TJournal xabar bermoqda.
Uilyam Xedli 2012-yilda tuhmat haqida sudga da’vo arizasi berdi (haqoratli izohda unga tuhmat qilingan edi) va obro‘siga yetgan zarar uchun 50 ming dollar tovon puli talab qildi. Sud izoh yozgan kishining IP-manzilini qo‘lga kiritishga ruxsat bergach, u Xedli bilan qachonlardir birga ishlagan okrug prokuroriga tegishli ekanligi aniqlandi. Sud izohni yozgan kishining shaxsini oshkor etish haqida qaror qabul qilgan kunning ertasiga prokuror iste’foga chiqdi.
Xedli sobiq prokurordan 50 ming dollar tovon puli undirilishiga erishishga harakat qilish-qilmasligi noma’lum. Ish bo‘yicha keyingi majlis 1-dekabrga belgilangan.
Izoh (0)