KXDRning ikki nafar yuqori lavozimli arbobi avgust oyida Janubiy Koreya bilan qurolsizlantirilgan hudud bo‘ylab Koreya xalq armiyasi askarlariga qarshi targ‘ibot dasturlarini uzatgan radiokarnaylarni olib tashlash haqida kelishuvga erishgani uchun mamlakat qahramonlari unvoniga ega bo‘ldi. Bu haqda razvedka ma’lumotlariga tayanib, “Ryonxap” agentligi xabar bermoqda, deb yozadi “RIA Novosti”.
“Respublika qahramoni” unvoniga Koreya xalq armiyasi Bosh siyosiy boshqarmasi rahbari Xvan Byon So va Koreya Mehnat partiyasi Markaziy qo‘mitasining birlashuv masalalari bo‘yicha bo‘limi boshlig‘i Kim Yan Gon sazovor bo‘ldi.
Jami 43 soat davom etgan muzokaralar natijasida ushbu ikki amaldor Janubiy Koreya prezidentining milliy xavfsizlik bo‘yicha kotibi Kim Gvan Chjin va milliy birlashuv vaziri Xon Yon Pxyo bilan qarama-qarshilikni susaytirish bo‘yicha chora-tadbirlar haqida kelishib olgan edi.
Izoh (0)