Xitoyning Chjetszyan viloyatidagi qishloqlardan birida sodir bo‘lgan ko‘chki qurbonlari soni 38 kishiga yetdi. Bu haqda “RIA Novosti” xabar bermoqda.
Oldinroq 16 kishi halok bo‘ldi, 21 kishi esa izsiz yo‘qolganini ma’lum qilingan edi.
Eslatib o‘tamiz, hodisa 13-noyabr, juma kuni Lishuy shahar okrugi, Lidong qishlog‘ida sodir bo‘lgan. Tosh va loy oqimi qishloqqa yopirilib, 27 ta xonadon ko‘chki ostida qolgan. Qutqaruvchilar mazkur uylardan atigi bir kishini qutqarishga erishgan.
Qishloqda yashovchi 300 dan ziyod fuqaro xavfsiz joyga ko‘chirilgan. Ofat ro‘y bergan joyda 2300 nafar qutqaruvchi, 80 ta texnika vositasi ishlamoqda.
Izoh (0)