AQShning Vashington shtati Sietl shahridagi mashhur devor 20 yil ichida birinchi marta to‘liq tozalanganidan so‘ng, yana saqich bilan qoplandi, deya xabar bermoqda Mashable.
G‘isht bino tozalanganidan (10-noyabrda tozalangan) bir hafta o‘tib, unda yana ko‘psonli rang-barang saqichlar paydo bo‘ldi.
G‘ishtdan qurilgan devorga zarar yetkazmaslik uchun, u bug‘ yordamida tozalangan edi. Saqich qatlamining yuzasi eniga 15 metr, bo‘yiga 4,5 metrni tashkil etgan edi.
Payk-Pleys yirik bozori yaqinidagi Market-teatr binosi devoriga chaynalgan saqichni yopishtirish an’anasi 1993-yilda paydo bo‘lgan. Shu paytgacha muassasa ishchilari to‘planib qolgan saqichlarni yo‘q qilishga ikki marta urinib ko‘rgan, biroq bajara olmagan edi.
Izoh (0)