“Daryo”da yangi doimiy rukn — har kuni eng muhim yangiliklarning kechki dayjesti berib boriladi.
1. Parijdagi teraktlar tashkilotchisi yo‘q qilindi. Abdulhamid Abaud yangi teraktlarga tayyorgarlik ko‘rayotgan bo‘lgan. Umuman, AQSh va Italiyada ham Parijdagi kabi hodisalar yuz berishidan ogohlantirishmoqda.
2. Toshkent shahrida 2015-yil davomida o‘t o‘chiruvchilarni 14 marta “aldashdi”. “Aldoqchilar” O‘zbekiston Ma’muriy javobgarlik to‘g‘risidagi kodeksiga muvofiq jazolangan.
3. AQSh Eron neftini sotib olishga qo‘yilgan taqiqni bekor qildi. Obamaning ta’kidlashicha, uning ma’muriyati endi Eron neftini sotib olishni boshqa taqiqlamaydi.
4. Moskvadagi “Ya Samarkand” nomli o‘zbek kafesiga uyushtirilgan hujum tashkilotchisi qo‘lga olindi. Kafega 15-noyabr kuni niqob taqqan 19 bosqinchi beysbol tayoqchalari bilan qurollangan holda hujum qilgandi.
5. Andijonda kredit ajratish uchun tadbirkordan bir necha o‘n ming dollar pul talab qilgan bankirlar jazolandi. Birgina Xalq bankining viloyat filiali rahbari bir tadbirkordan kamida 25 ming dollar pora olgan.
Izoh (0)