Toshkentning Shayxontohur tumanidagi 46-oilaviy poliklinikada urush va mehnat faxriylari, yolg‘iz keksalar salomatligini mustahkamlashga qaratilgan xayriya tadbiri bo‘lib o‘tdi. Bu haqda O‘zA xabar berdi.
Sog‘liqni saqlash vazirligi, Toshkent shahar “Umid” jamoat birlashmasi va boshqa tashkilotlar hamkorligida tashkil etilgan aksiya doirasida 200 dan ziyod faxriy Toshkent vrachlar malakasini oshirish instituti professorlari hamda oilaviy poliklinika shifokorlari tomonidan bepul tibbiy ko‘rikdan o‘tkazildi.
29 mingga yaqin aholiga tibbiy xizmat ko‘rsatuvchi 46-oilaviy poliklinikada 2015-yilda 207 nafar 60 yoshdan oshgan fuqaro chuqurlashtirilgan tibbiy tekshiruvdan o‘tkazilib, ularga bepul dori-darmon va tibbiy vositalar tarqatildi, 100 nafarga yaqin nuroniy sog‘lomlashtirish markazlarida bepul salomatligini tikladi.
“Oilaviy poliklinikada dorixona, fitobar tashkil etilgan. Shifokorlar uyimizga borib holimizdan xabar olib turishadi”, – deydi Shohida aya Iskandarova. “Aksiya doirasida malakali shifokorlar ko‘rigidan o‘tish bilan birga turli xastaliklar, xususan, qandli diabet va uni erta aniqlashga doir ma’lumotlarga ham ega bo‘ldik”, – deydi Anatoliy Soy.
Izoh (0)