Тошкентнинг Шайхонтоҳур туманидаги 46-оилавий поликлиникада уруш ва меҳнат фахрийлари, ёлғиз кексалар саломатлигини мустаҳкамлашга қаратилган хайрия тадбири бўлиб ўтди. Бу ҳақда ЎзА хабар берди.
Соғлиқни сақлаш вазирлиги, Тошкент шаҳар «Умид» жамоат бирлашмаси ва бошқа ташкилотлар ҳамкорлигида ташкил этилган акция доирасида 200 дан зиёд фахрий Тошкент врачлар малакасини ошириш институти профессорлари ҳамда оилавий поликлиника шифокорлари томонидан бепул тиббий кўрикдан ўтказилди.
29 мингга яқин аҳолига тиббий хизмат кўрсатувчи 46-оилавий поликлиникада 2015 йилда 207 нафар 60 ёшдан ошган фуқаро чуқурлаштирилган тиббий текширувдан ўтказилиб, уларга бепул дори-дармон ва тиббий воситалар тарқатилди, 100 нафарга яқин нуроний соғломлаштириш марказларида бепул саломатлигини тиклади.
«Оилавий поликлиникада дорихона, фитобар ташкил этилган. Шифокорлар уйимизга бориб ҳолимиздан хабар олиб туришади», – дейди Шоҳида ая Искандарова. «Акция доирасида малакали шифокорлар кўригидан ўтиш билан бирга турли хасталиклар, хусусан, қандли диабет ва уни эрта аниқлашга доир маълумотларга ҳам эга бўлдик», – дейди Анатолий Цой.
Изоҳ (0)