Abdulaziz Kamilov Parijdagi teraktlar munosabati bilan Fransiya elchixonasidagi Hamdardlik kitobiga qayd kiritdi

2015-yilning 16-noyabr kuni O‘zbekiston Respublikasi tashqi ishlar Vaziri Abdulaziz Kamilov Fransiya Respublikasining Toshkent shahridagi Elchixonasiga tashrif buyurdi. Bu haqda vazirlik matbuot xizmati xabar bermoqda.

Vazir ko‘plab insonlarning halok bo‘lishiga olib kelgan 13-noyabrda Parij shahrida sodir etilgan qator terroristik aktlar munosabati bilan ta’ziya bildirdi va diplomatik vakolatxonada ochilgan Hamdardlik kitobiga qayd kiritdi.

Elchi Jak-Anri Els o‘z navbatida O‘zbekiston tomonining fransuz xalqiga qayg‘uli bo‘lgan vaqtda yo‘llagan hamdardlik va dalda uchun o‘z minnatdorchiligini bildirdi.